چەكدارەكانی تاڵیبان هێرش دەكەنە سەر ئاهەنگێكی بوك گواستنەوە

هەواڵ
31-10-2021

ڕێگای کوردستان

بەپێی سەرچاوەكانی هەواڵ بەهۆی بەكارهێنانی مووزیك لە ئاهەنگێكی بوك گواستنەوەدا، لە گوندی شمشبور مار غوندی لە هەرێمی ننكرهاری ئەفغانستان، چەكدارەكانی ئەمارەتی ئیسلامی هێرش دەكەنە سەر ئاهەنگێكی شایی بوك گواستنەوە

ئەو سەرچاوەیە رایگەیاند، لە ئەنجامی هێرشەكەی چەكدارەكانی ئەمارەتی ئیسلامی، دوو كەس كوژراون و 10 كەسی دیكەش بریندار بوون.

لای خۆیەوە زەبیحوڵڵا موجاهید وتەبێژی تاڵیبان، لە هەژماری خۆی لە توێتەر نووسی: ژمارەیەك كەس ناوی ئەمارەتی ئیسلامیان بەكارهێناوە و داوای راگیرانی مووزیكیان كردووە، لەو گوندە كوژراو و بریندار هەن، بەڵام ئەمارەتی ئیسلامی لەو كارە بەدوورە.

دوای دامەزراندنی ئەمارەتی ئیسلامیی لە ئەفغانستان و دەستبەكاربونیان زۆرترین هێرش و فشاریانكردووە لە دژی رۆژنامەنووسان و هونەرمەندان و ژنان و هاووڵاتیان بە گشتیی و چەندین كەسیان كوشتووە و برینداركردووە بەپێچەوانەی ئەو بەڵێنانەی سەرەتا دابوویان كە ناگەڕێنەوە سەر رێبازەكەی پێشوویان.

ناو
بۆچوون ...