سلێمانی؛ پێنج کەس بەتۆمەتی فاڵگرتنەوە و نوشتەکردن و فێڵکردن دەستگیرکران

هەواڵ
08-04-2022

خەندان
پۆلیسی سلێمانی دەستگیرکردنی پێنج کەسی راگەیاند کە لە چەند گەڕەکێکی سلێمانی سەرقاڵی پێنج تۆمەتبار بەتۆمەتی فاڵگرتنەوەو نوشتەکردن بون.

مەفرەزەکانی بنکەی پۆلیسی ڕزگاری توانیان لەچەند ھەڵمەتێکی جیادا پێنج تۆمەتبار دەستگیربکەن

ئەمڕۆ هەینی بەڕێوەبەرایەتی پۆلیسی سلێمانی بڵاویکردوەتەوە، پاش کۆکردنەوەی زانیاری پێویست و چاودێریکردنی چەند کەسێک کە لەچەند گەڕەکێکی شاری سلێمانی خەریکی فاڵگرتنەوە و نوشتەکردن و فریودانی ھاوڵاتیان بون، پاش وەرگرتنی بڕیاری دادوەر، مەفرەزەکانی بنکەی پۆلیسی ڕزگاری توانیان لەچەند ھەڵمەتێکی جیادا پێنج تۆمەتبار دەستگیربکەن.

دەستگیرا بەسەر چەندین پارچە کەلوپەلدا کە بۆ فاڵگرتنەوەو نوشتەکردن بەکاریانھێنابو

رونیشیکردوەتەوە، لەکاتی دەستگیرکردنی تۆمەتبارەکاندا دەستگیرا بەسەر چەندین پارچە کەلوپەلدا کە بۆ فاڵگرتنەوەو نوشتەکردن بەکاریانھێنابو.

بەبڕیاری بەڕێز دادوەر ڕاگیراون و لێکۆڵینەوەکان لەگەڵیاندا بەردەوامە

ئاماژەی بەوەشکردوە، لەئێستا ھەریەک لەتۆمەتباران (ب، ع، غ لەدایکبوی 1966  - پ، ر، أ لەدایکبوی 1973  - ن، س، أ - ح، ح، ع لەدایکبوی 1947 - غ، ب، ع لەدایکبووی 1956) بەبڕیاری بەڕێز دادوەر ڕاگیراون و لێکۆڵینەوەکان لەگەڵیاندا بەردەوامە.

 

   

 

 

ناو
بۆچوون ...