پۆتین داواکەى ئەردۆغان بۆ هێرشکردنە سەر ناوچە سنورییەکانی سوریا رەتدەکاتەوە

هەواڵ
30-05-2022

 

شارپرێس

سەرۆک کۆمارى تورکیا پەیوەندییەکى تەلەفۆنى لەگەڵ سەرۆکى روسیا ئەنجامداوە سەبارەت بە ئەنجامدانى ئۆپەراسیۆنێک لەناو خاکى سوریا، بەڵام پۆتین رەتیکردوەتەوە.

دوای لێدوانەکانی سێرگی لاڤرۆڤ وەزیری دەرەوەی روسیا سەبارەت بە ویستەکانى تورکیا بۆ ئەنجامدانى ئۆپەراسیۆنێک لەناوچە سنورییەکانى سوریا، کەناڵی "ئاڕتى" رەجەب تەیب ئەردۆغان سەرۆک کۆمارى تورکیا  پەیوەندییەکی تەلەفۆنی بە ڤلادیمیر پۆتین سەرۆکی روسیاوە کردوە تێدا جەختی لەسەر داواکاری وڵاتەکەی کردوەتەوە بۆ دروستکردنی ناوچەیەکی ئارام بەقوڵایی30کم لەناوچە سنورییەکانی سوریا کردوەتەوە.

سەرۆک کۆماری تورکیا بەسەرۆکی روسیایی ڕاگەیاندوە کە ئەوان پێشتر لەمانگی تشرینی دووەمی 2019رێکەوتنێکیان لەگەڵ تورکیا کردوە، بەوەی تورکیا لەو ناوچانە پشتێنەیەکی ئەمنی بەمەبەستی رێگەگرتن لەگەریلاکانى پەکەکە لە ئەنجامدانی هەر کارو چاڵاکێکیەک لەناو خاکی تورکیا.

سەرۆک کۆمارى تورکیا ئاماژەى بەوەشکردوە، دابینکردنی رەوشێکی ئەمنی لەم ناوچە سنورییانە شتێکی ناچارییەو پێویستە روسیاش ئاسانکاریان بۆ بکات، لەبەرامبەر ئەوەشدا تورکیا ئامادەیە ڕۆڵی چاودێر بگێڕێت لە هێنانەدی ئاشتی لە نێوان روسیاو ئۆکرانیا.

لەلایەکى دیکەوە بەشێک لە میدیاکانى تورکیا ئاشکرایان کردوە، سەرۆکى رووسیا دەستوەردانێکى دیکەى تورکیا لە سەر سنوری روسیاو بەتایبەت لە پارێزگای ئیدلیب رەتکردوەتەوە، بەڵام لەسەر بەردەوامى گفتوگۆکان لەسەر ئەو پرسە رێککەوتون.

ناو
بۆچوون ...